Baby registration 

أهم خطوات تسجيل المواليد الجدد في بريطانيا للمبتعثين والمبتعثات : 
١- يحجز موعد مع Registry Office بالتلفون أو بالايميل (الموعد ممكن ياخذ اكثر من شهر) فيحجز في اقرب وقت ممكن حتى لو قبل الولادة.
٢- يأخذ ورقة اثبات الولادة (ورقة من المستشفى أو دفتر التطعيمات الأحمر) وجوازات السفر للوالدين.
٣- يسمي المولودة ويطلع لها شهادة ميلاد (يستحسن ياخذ نسختين أو ثلاث) لازم يجيب معه كاش (المبلغ الصحيح) مايقبلون مبلغ أكبر أو دفع بالبطاقة.
٤- يقدم على موقع الخارجية البريطانية طلب تصديق وثائق (legalisation of documents) 

عبر هذا الرابط

‏https://www.gov.uk/get-document-legalised
٥- بعد التقديم والدفع عن طريق الموقع يرسل الاوراق للعنوان اللي يقولون له ببريد مسجل يمكن تتبعه عبر مكتب البريد post office.
٦- تاخذ اسبوع إلى اسبوعين ويرجعون له الورقة مصدقة (يصدق شهادة ميلاد واحدة فقط) لأنها غالية وهو فعلياً مايحتاج إلا واحدة
٧- بعد ماترجع شهادة الميلاد يدخل على موقع الخارجية السعودية ويطلب اصدار تذكرة مرور ويدفع الرسوم عبر الموقع هذا http://www.mofa.gov.sa/EServ/SaudiNationalAbroad/FanarPassportServices/Pages/Instructions.aspx?ServiceId=20
٨- يروح للسفارة إذا يحب أو يرسلها بالبريد، والافضل يروح بنفسه، ياخذ شهادة الميلاد المصدقة وجوازات الوالدين واي اوراق ثانية معه ويروح للسفارة. 
٩- السفارة تصدق على شهادة الميلاد الانجليزية وتترجمها وتصدق الترجمة ويصدرون له تذكرة مرور (جراز سفر مؤقت) مدة صلاحيته ٦ اشهر تقريباً
-١٠ يوصل السعودية ويروح وزارة الخارجية السعودية ويصدق شهادة الميلاد الاجنبية والسعودي
١١- يروح الاحوال المدنية ويسجل المولود في المواليد السعوديين و يصدرون له شهادة ميلاد سعودية و يجددون له كرت العائلة.
١٢- البنت الآن سعودية الجنسية وعندها رقم هوية ويقدر يقدم لها على جواز مباشرة.
١٣- الجواز لايمكن اصداره عن طريق ابشر وانما يدفع عبر الصراف وبعدها ياخذ موعد مع الجوازات ويقدم يدوي.
١٤- يقدم لها فيزا جديدة اذا راجع بريطانيا ورسوم جديدة ويرفق معها صور فيزته وفيزة زوجته وصور جوازاتهم وشهادة ميلادها البريطانية (او يترجم السعودية)
١٥- يوصل بريطانيا والحمدلله ع السلامة